Grŵp o ferched Blwyddyn 11 ydyn ni a oedd wedi cydweithio ar y prosiect Materion Perthnasoedd. Fe gawson ni gyfle i ddatblygu ein syniadau ynghylch teimlo’n ddiogel ac yn anniogel yn ein cymuned. Dyma hanes beth wnaethon ni.

• Fe roeson ni gylchoedd o amgylch mannau ar fap lleol lle roedden ni’n teimlo’n ddiogel ac yn anniogel.

• Fe ddewison ni ffilmio yn ein parc lleol gan fod hwnnw’n lle sy’n gallu bod yn ddiogel ac yn anniogel.

• Fe gasglon ni luniau a sain: ein sgyrsiau, cyrn ceir, seirenau, gatiau’n gwichian, chwerthin, sŵn traed, chwarae ar y siglenni a’r chwyrligwgan.

• Fe ffilmion ni symudiad a sŵn ‘y sgert pren mesur’ a lunion ni yn ein clwb cinio Materion Perthnasoedd.

• Fe wylion ni’r lluniau a thaflunio delweddau ar ein hwynebau, ein dwylo a’n stumogau gan ddefnyddio taflunydd bach.

• Fe greon ni’r gerdd, “Chaiff Geiriau Ddim fy Nghaethiwo”.

• Daeth ein ffilm fer 5 munud yn rhan o ffilm fwy am ble rydyn ni’n byw. Enw’r ffilm yw GRAPHIC MOVES. Fe fuon ni’n gweithio gyda llunwyr ffilmiau proffesiynol, ond gallech chi ei chreu eich hun yn ddigon rhwydd.

• Mae ‘Graphic Moves’ wedi cael ei dangos mewn gwasanaethau ysgol, lleoliadau celfyddydau a digwyddiadau ar gyfer pobl sy’n gweithio gyda phlant.

CHAIFF GEIRIAU DDIM FY NGHAETHIWO

Fe waeddoch chi rywbeth arna i 

ac roeddwn i eisiau ymladd nôl

Roeddwn i’n rhy ofnus achos 

roeddwn i’n meddwl byddech chi’n ymosod

Peidiwch â’m beirniadu 

Peidiwch â’m rheoli 

Peidiwch â’m darllen 

Peidiwch â bîpio arna i

Nes i chi gerdded milltir 

yn fy esgidiau

Ond hyd yn oed wedyn 

Fyddwch chi byth yn gwybod

Beth rwy wedi gorfod ei wynebu

Siaradwch â fi 

Gwrandewch arna i 

Deallwch fi 

Teimlwch beth rwyf fi’n teimlo

Dyw sgwrs ddim

 yn brifo neb

â dweud y gwir,

gallai wneud i fi deimlo 

ychydig yn llai crac

TEIMLWCH BETH 

RWYF FI’N TEIMLO

Gwrandewch arnon ni’n darllen ein cerdd yma.