Rydyn ni’n grŵp o fenywod ifanc ym Mlwyddyn 12 a Blwyddyn 13 sy’n cael cyfle i weithio gyda’n hathrawes, dawnswyr proffesiynol (Fumy, Chanelle a Kloe), cwnselydd proffesiynol (Pauline) a gweithredwyr hawliau menywod i dynnu sylw at ein cyrff a’n teimladau mewn ffyrdd diogel, egnïol a llawen.
Rydyn ni’n cyfarfod unwaith yr wythnos ar ôl ysgol i siarad, bwyta a dawnsio gyda’n gilydd. Rydyn ni’n gweithio gyda gwahanol arddulliau dawns a cherddorol sydd â’u gwreiddiau mewn diwylliannau Gorllewin Affricanaidd ac Affricanaidd-Caribïaidd, fel bashment, afrobeats, dancehall a mwy. Gall yr arddulliau hyn gael eu stigmateiddio gan y cyfryngau prif ffrwd fel rhai cywilyddus ac wedi’u rhywioli, heb roi llawer o sylw i hanes cyfoethog y mynegiant diwylliannol sy’n rhan o’u symudiadau.
Trwy ddawnsio gyda’n gilydd ar ddiwedd y diwrnod ysgol, rydyn ni’n cael cyfle i ymlacio, adfer cydbwysedd a hawlio’r arddulliau dawns hyn yn ôl i’n hunain.
Beth yw casineb at wragedd du?
Mae casineb at wragedd du yn derm a fathwyd gan yr Athro Moya Bailey i fynd i’r afael â chroestoriad hiliaeth a rhywiaeth a gyfeirir tuag at fenywod du mewn diwylliant gweledol a phoblogaidd.
I gael mwy o wybodaeth am darddiad Casineb at Wragedd Du, cliciwch yma.
Ailweithio Arferion
Mae cyfarfod yn wythnosol i ddawnsio, bwyta a siarad gyda’n gilydd yn darparu lle i drafod y problemau rydyn ni’n eu hwynebu yn yr ysgol, ar-lein ac yn ein cymunedau cyfoedion, lle i ddathlu ein pŵer a’n cyflawniadau, ac i archwilio beth yw nodweddion perthynas gadarnhaol.
Mae pob sesiwn yn dechrau gydag ymarferion cynhesu ac archwilio arddull ddawnsio wahanol, sy’n caniatáu i ni symud gyda’n teimladau o’r dydd, a dathlu ein hunaniaethau.
Rydyn ni wedi siarad am sut mae cyffyrddiadau a sylwadau digroeso yn y byd o’n cwmpas yn gallu ymosod ar ein cyrff, ond mae dawnsio gyda’n gilydd yn caniatáu i ni deimlo’n dda yn ein cyrff. Rydyn ni’n symud gyda’n gilydd i feithrin lle cefnogol a dathliadol i ferched a menywod, yn ogystal â chwalu rhai o’r rhwystrau rhyngon ni ac aelodau staff yn yr ysgol. Mae siarad a thrafod gyda’n gilydd ar ddiwedd y sesiwn yn cefnogi’r cysylltiad hwn, gan ein galluogi i rannu a dadansoddi profiadau niweidiol a chudd, ac archwilio ffyrdd y gallwn ni greu newid, yn bersonol ac yn y cymunedau rydyn ni’n rhan ohonyn nhw.
“Mae treulio’r amser yma gyda’n gilydd yn codi’r ysbryd”
“Mae’n lle i glirio’n meddyliau”
“Mae’n lle i fynegi’ch corff”
“Mae’n iawn i wneud camgymeriadau”
“Bob wythnos, rydyn ni’n atgoffa ein hunain o’n gwerth”
Modelu cyfeillgarwch cefnogol trwy weithdai dawns Blynyddoedd 8 a 9
Un o’r ffyrdd rydyn ni wedi bod yn gweithio i greu newid yw trwy gyflwyno gweithdai i ddisgyblion Blynyddoedd 8 a 9 mewn ysgolion lleol. Rydyn ni’n frwd ynghylch pŵer dawns i ddod â phobl at ei gilydd ac ailgydbwyso perthnasoedd. Yn y sesiynau hyn, trwy weithio gyda’n gilydd gyda dawnsiwr proffesiynol, rydyn ni’n chwarae gemau, rhannu dawnsiau a thrafod y pethau sy’n bwysig i ni mewn ffordd greadigol.
Rydyn ni’n helpu’r merched iau i wybod ein bod ni’n eu deall nhw, ac yn gweithio gyda nhw i greu perfformiadau wedi’u seilio ar yr heriau a’r pleserau rydyn ni’n eu profi fel menywod ifanc, yn enwedig trwy ein cyfeillgarwch. Mae arwain y gweithdai hyn ar y cyd yn ein galluogi i fodelu perthnasoedd cefnogol a chydweithredol mewn ffordd ddifyr a chreadigol.
Ein hathrawon dawns a’u gwaith
Chanelle Hall
Kloe Dean
Fumy Opeyemi
Dyma rai caneuon rydyn ni wedi dwlu dawnsio iddyn nhw a’u dehongli ein hunain:
‘Get Bodied’ gan Beyonce
‘16 Shots gan Stefflon Don (gwreiddiol neu ailgymysgiad Afrobeats)
‘Walking Trophy’ gan HoodCelebrityy
‘Praying’ gan Kesha
Esboniwr: Beth yw dawns gyfoes?
Crunk Feminist Collective
Gwreiddiau Twercio: Beth ydyw, beth mae’n ei olygu, a sut cafodd ei feddiannu
Dawns hip-hop yn erbyn Donald Trump: sut daeth symudiadau robot yn wleidyddol
Pryd mae benthyg yn dod yn feddiannu diwylliannol mewn dawns?
Does dim angen stereoteipiau gwrol i ddenu bechgyn i ddawnsio
Gweithredydd Bywydau Du yn Bwysig yn addysgu gweithredaeth wleidyddol trwy ddawns
Gweithredwyr cymdeithasol yn defnyddio dawns i frwydro yn erbyn hiliaeth
Dawnsio gydag Anabledd
Dawns, Anabledd a Chroestoriadedd
Gweler mwy o astudiaethau achos AGENDA ar gyrff a symud: Dan Bwysau; Pob CORFF yn Bwysig; Canfod Cydbwysedd.
Lawrlwythwch yr astudiaeth achos yma:
