Mae’r term ‘drama’ yn dod o air Groeg sy’n golygu “gweithred”: “gwneud” neu “weithredu”. Mae drama yn aml yn ffordd bwerus o gynyddu ymwybyddiaeth o faterion cymdeithasol sensitif mewn modd anfygythiol.
Gweithiodd Spectacle Theatre gyda theuluoedd, oedolion, plant ac athrawon i gydgynhyrchu darn o theatr ryngweithiol wedi’i seilio ar brofiadau pobl ifanc i archwilio seiber-fwlio ac aflonyddu rhywiol ar-lein gyda theuluoedd, grwpiau oedolion, plant ac athrawon. Mae Special wedi’i seilio ar ddau gymeriad canolog: merch un ar ddeg mlwydd oed sy’n gweld digwyddiad bwlio, a dyn pum deg mlwydd oed ag anghenion arbennig, y mae ei chwaer yn gofalu amdano oherwydd bod ei fam yn yr ysbyty.
Yn ystod yr wythnos gwrthfwlio, wedi’u hysbrydoli gan waith Comisiynydd Plant Cymru ‘Stori Sam: Gwrando ar brofiadau plant o fwlio yng Nghymru’ , bu plant yn cynllunio a pherfformio drama chwarae rôl. Roedd pob chwarae rôl yn arddangos peth o’r ymddygiad allweddol a drafodwyd gan y plant er mwyn archwilio ymddygiad bwlio. Gallwch ddysgu mwy am natur dull ysgol gyfan sy’n parchu hawliau o ymdrin â pherthnasoedd iach drwy ddefnyddio Stori Sam yma.
