Trawsffurio Addysg Cydberthynas a Rhywioldeb

Am y digwyddiad hwn

Mae ACRh yng Nghymru yn newid. Bydd Hawliau, Tegwch, Cynhwysiant a Grymuso yn ganolog wrth gynllunio a darparu cwricwlwm statudol. I gael rhagor o wybodaeth a dysgu sut i lunio ACRh o ansawdd uchel, ymunwch â ni yn y gynhadledd undydd hon i ysgolion cynradd, uwchradd ac arbennig.

Rhagor o Fanylion

Rydym yn gwahodd pob athro ac arweinydd sydd â chyfrifoldeb dros ACRh i gofrestru ar gyfer y digwyddiad dysgu proffesiynol ACRh hwn. Byddwn yn archwilio agweddau ar addysg cydberthynas a rhywioldeb wrth baratoi ar gyfer y Cwricwlwm ACRh statudol newydd (2022).

Bydd y prif gyflwyniadau’n cynnwys Sally Holland (Comisiynydd Plant Cymru), yr Athro EJ Renold (Prifysgol Caerdydd), cadeirydd panel arbenigol ACRh Llywodraeth Cymru, (Renold a McGeeney 2017), Dr Ester McGeeney a Dr Leanne Coll, ymchwilwyr sydd â phrofiad helaeth o hyfforddi athrawon i ddatblygu a chyflwyno ACRh. Bydd y prif gyflwyniadau'n egluro'r newidiadau arfaethedig i gwricwlwm ACRh Cymru ac yn rhannu'r dystiolaeth ryngwladol yn ymwneud ag arfer gorau mewn ACRh.

Bydd athrawon o ysgolion cynradd, uwchradd, arbennig a chyfrwng Cymraeg sy'n ymwneud â dysgu proffesiynol ACRh hefyd yn rhannu eu gwaith ar ddal ac ymateb i lais y dysgwr a datblygu dull ysgol gyfan o gyflwyno ACRh, i gyd-fynd â'r canllawiau ACRh sydd wedi'u cyhoeddi.

Hefyd bydd gennym gyfraniadau gan nifer o arbenigwyr ac ymchwilwyr ACRh eraill, yn ogystal â chynrychiolwyr darparwyr gwasanaeth ACRh allweddol, fydd yn hwyluso cyfres o weithdai carwsél ar feysydd craidd ACRh a gweithgareddau rhannu adnoddau.

Trwy gydol y digwyddiad cewch gyfleoedd i ddod yn gyfarwydd â goblygiadau'r cwricwlwm ACRh newydd, gyda digon o awgrymiadau i chi gael bwrw iddi.

Cofrestrwch yma