1: Rholio rholio rholio

Rholiwch y papur i’r hyd rydych chi ei eisiau. Gallech ei rolio ar draws bwrdd, neu ar draws llawr ystafell ddosbarth neu neuadd ysgol. 

2: Rhedfa Tasgu Meddyliau

Mewn grwpiau bach, neu fel gweithgaredd grŵp cyfan, tasgwch feddyliau am yr holl bethau y mae angen iddyn nhw stopio digwydd i wneud y byd yn lle mwy teg, cyfartal a diogel o ran rhywedd. 

3: Goleuo a Dileu 

Cyfunwch y rholiau, gan ddefnyddio’r tâp gludiog. Diffoddwch y golau. Defnyddiwch eich tortshys i ddarllen y negeseuon ar y rholiau rhedfa, a goleuwch y pwynt rydych chi eisiau dysgu mwy amdano a chynyddu ymwybyddiaeth ohono. Trowch y golau ymlaen. Ffurfiwch linell ar un pen o’r rholyn. Cerddwch ar y rholyn, gan stampio’n uchel i ddileu’r holl bethau rydych chi eisiau eu stopio rhag digwydd yn y byd.

4: Baner Rhedfa 

Addurnwch eich rhedfa. Lluniwch ymyl. Lliwiwch yr olion traed sydd wedi marcio’r papur o’ch gweithgaredd stampio. Defnyddiwch amlygwyr i nodi’r meysydd newid rydych am roi sylw iddyn nhw yn eich ysgol/grŵp ieuenctid. Ar ôl gorffen, gwnewch y rholyn yn ddigon cryf (e.e. cysylltu ffon bren wrth un o’r ymylon hir) i’w hongian fel baner ar y wal. Os yw’n hir iawn, torrwch ef yn rhannau llai.

5: Beth nesaf? 

Nawr eich bod chi wedi amlygu maes ar gyfer newid, defnyddiwch yr adnodd AGENDA  i ddysgu mwy amdano. Rhowch gynnig ar y Chwilair Ffeministiaid i weld a oes unrhyw sefydliadau neu grwpiau a all eich helpu. Gwnewch eich gwaith ymchwil eich hun. Cliciwch ar “Syniadau ar gyfer Newid” i weld ffyrdd creadigol o gychwyn arni.