1: Platiau STOPIO a DECHRAU!
Rhowch 3 phlât papur coch “STOPIO” a 3 phlât papur gwyrdd “DECHRAU” i bawb. Os nad oes platiau ar gael, crëwch eich rhai eich hun gyda marcwyr coch a gwyrdd trwy dynnu cylch mawr ar bapur A4.
2: Crëwch ymadroddion STOPIO a DECHRAU
Meddyliwch am adeg pan wnaeth rhywun rywbeth nad oeddech chi’n ei hoffi neu reol neu hysbyseb a oedd wedi’ch tramgwyddo chi neu rywun sy’n agos atoch. Lluniwch ymadrodd sy’n disgrifio beth nad oeddech chi’n ei hoffi, gan ddechrau â’r gair “STOPIO...” Ysgrifennwch yr ymadrodd hwn ar y plât STOPIO. Yna, lluniwch ymadrodd sy’n disgrifio beth fyddech chi wedi’i hoffi yn lle, gan ddechrau â’r gair DECHRAU...” Ysgrifennwch yr ymadrodd hwn ar y plât DECHRAU.
3: Pan fydd eich platiau STOPIO a DECHRAU yn barod...
Defnyddiwch y pegiau a’r llinyn i gysylltu’r platiau a chreu llinell weithredu stopio/dechrau.
4: Gofynnwch i wirfoddolwyr ddarllen eu platiau STOPIO/DECHRAU yn uchel.
5: Nawr meddyliwch sut i roi eich cynlluniau DECHRAU ar waith.
6: Gallwch ddysgu sut dechreuodd pobl eraill arni yn Syniadau ar gyfer Newid a Gwneud i Berthnasoedd Cadarnhaol Ddigwydd.
Dyma rai enghreifftiau Stopio a Dechrau:
STOPIO dweud nad yw bechgyn yn crïo. DECHRAU cefnogi anghenion emosiynol pawb.
STOPIO hysbysebion sy’n stereoteipio bechgyn a merched. DECHRAU cydnabod sut mae stereoteipiau rhywedd yn cyfyngu ar bwy gallwch chi fod a beth gallwch chi ei wneud.
STOPIO codau gwisg ysgol ar sail rhywedd. DECHRAU datblygu polisi gwisg ysgol niwtral o ran rhywedd.
STOPIO’r distawrwydd ynghylch FGM. DECHRAU addysgu pobl am bob math o gam-drin a chamfanteisio rhywiol
STOPIO rhagdybio bod pawb yn heterorywiol. DECHRAU cynyddu ymwybyddiaeth o amrywiaeth rywiol.
STOPIO codi cywilydd arna i am fy nghorff. DECHRAU dangos parch ata i a’m corff.
Cyn i chi ddechrau addasu’r gweithgaredd hwn ar gyfer y plant a’r bobl ifanc yn eich lleoliad, darllenwch yr adran ar Ddiogelwch a Chefnogaeth.
Lawrlwythwch y PDF Gweithgaredd StARTer yma:
