Os ydych chi am ryddhau ychydig o’r llid yna, dyma’r gweithgaredd i CHI! Gadewch i ni adfer y ‘relfie’ a RHUO ein dicter yn y byd!!!
1: Pa agwedd ar wahaniaethu, aflonyddu neu drais rhywiol neu ar sail rhywedd sy’n eich gwylltio chi? Aflonyddu ar y stryd? FGM (Anffurfio Organau Rhywiol Benywod)? Trawsffobia? Rhywiaeth pob dydd?Y Bwlch Cyflog Rhwng y Rhywiau?
2: Dilynwch y dolenni ar y dudalen hon, neu yn y gweithgaredd Pobl sy’n Creu Newid ar draws y Byd, neu SYNIADAU AR GYFER NEWID. Dewiswch weithredwr neu sefydliad creu newid sydd â slogan neu ddelwedd sy’n creu argraff arnoch chi - nhw fydd eich partner ‘relfie’!
3: Dewch o hyd i ddelwedd rydych chi’n ei hoffi sy’n cynrychioli eich gweithredwr neu’ch sefydliad. Tynnwch sgrin-lun o’r ddelwedd. Lanlwythwch y ddelwedd i sleid PowerPoint, a’i thaflunio ar sgrin fawr.
4: Gan ddefnyddio’r ffon hun-lun, tynnwch lun ohonoch chi’ch hun o flaen delwedd eich gweithredwr. Chwaraewch â’r ddelwedd gan ddefnyddio Photoshop i amddiffyn eich hunaniaeth os ydych chi’n bwriadu ei rhannu ar-lein (e.e. ei throi’n gartŵn, ei chymylu, ac ati).
5: Pan fyddwch chi’n barod, recordiwch eich RHU neu’ch SGRECH neu UNRHYW SŴN NEU WEITHRED UCHEL yr hoffech ei wneud sy’n mynegi eich dicter bod angen mynd i’r afael â’r materion hyn yn y byd o hyd!
6: Os ydych chi’n gwybod sut, gosodwch y delweddau mewn ‘imovie’, gyda’ch holl seiniau RHUO a recordiwyd - ychwanegwch ddrymiau, neu seiniau o ffynhonnell hawlfraint rydd - a chwaraewch eich ‘imovie’ BWRW’CH LLID MEWN HUN-LUN ym mhobman! (neu ar eich cyfer chi yn unig). Fe allech ei osod fel cân newydd ar eich ffôn pan fydd rhywun yn galw.
7: Rhywbeth ychwanegol? Beth am greu rap i fwrw’ch llid, trwy ddewis llinellau o’ch hoff ganeuon sy’n mynd i’r afael ag anghyfiawnder a thrais rhywiol ac ar sail rhywedd yn uniongyrchol. Darllenwch y gerdd ‘Metal Mash Up’ gan y Plant 12 Oed Dig a wnaeth hyn.
Mae Feminist Freedom Warriors (FFW) yn archif fideo ddigidol sy’n cofnodi sgyrsiau rhwng pobl o wahanol genedlaethau ynghylch cyfiawnder, gwleidyddiaeth a gobaith gydag ysgolhaig-weithredwyr ffeministaidd.