Gweithio gyda’n gilydd fel grŵp cyfan
1: Dewiswch gân mewn arddull gerddorol galonnog rydych chi’n ei hoffi’n fawr. Dylai hefyd fod â geiriau sy’n rymusol yn eich barn chi.
2: Chwaraewch y gân sawl gwaith a dawnsiwch yn rhydd i’r gerddoriaeth a’r geiriau: ar eich pen eich hun, mewn parau, grwpiau bychain - arbrofwch! Gwnewch beth bynnag sy’n dod yn naturiol. Trowch y goleuadau i lawr yn isel i greu naws os ydych chi eisiau. Mae’n iawn i ymlacio a gwrando hefyd.
3: Nawr dewch at eich gilydd fel grŵp cyfan a chrëwch ddawns trwy gyfuno’ch syniadau dawnsio rhydd.
4: Ystyriwch ba ffurfiadau, lefelau a pherthnasoedd y byddwch chi’n eu creu rhwng pobl yn y lle er mwyn adlewyrchu’r teimlad arbennig o rymuso sy’n cael ei ysgogi gan y gerddoriaeth.
Gan weithio mewn parau neu grwpiau bychain
1: Dewiswch fideo cerddoriaeth sydd, yn eich barn chi, yn atgyfnerthu casineb at wragedd du a/neu fathau eraill o anghydraddoldeb a gwahaniaethu (e.e. homoffobia, trawsffobia, camwahaniaethu ar sail gallu corfforol, tlodi ac ati).
2: Chwaraewch y fideo ac ysgrifennwch yr holl stereoteipiau rhywiaethol a hiliol sydd i’w gweld yn y fideo cerddoriaeth ar nodiadau gludiog.
3: Crëwch symudiad neu olygfa wedi’i rhewi sy’n gwrthwynebu neu’n ailweithio’r stereoteipiau sydd i’w gweld yn y fideo.
4: Rhannwch eich symudiad neu’ch golygfa â grwpiau eraill yn eich dosbarth, a cheisiwch weld a allwch chi eu cyfuno i greu perfformiad neu stori ddigidol.
5: Argraffwch eiriau’r gân a darllenwch nhw i’ch hun yn dawel.
6: Trafodwch y geiriau rydych chi’n teimlo gryfaf amdanyn nhw gyda’ch grŵp a nodwch rai o’r teimladau hyn.
7: Cymerwch dro i danlinellu gair neu ymadrodd allweddol o’r geiriau a’i dorri allan.
8: Rhowch yr holl eiriau ac ymadroddion a dorrwyd gan y grŵp gyda’i gilydd, symudwch nhw o gwmpas a chwaraewch â’r drefn i greu gwahanol ystyron a rhythmau.
9: Pan fyddwch chi wedi gorffen, fe allech chi fod wedi creu ymadrodd, cerdd neu gân newydd.
10: Ceisiwch weld a allwch chi gyfuno’ch geiriau newydd a’ch symudiadau i wneud eich fideo cerddoriaeth eich hun sy’n herio casineb at wragedd du neu stereoteipiau eraill.
Cyn i chi ddechrau addasu’r gweithgaredd hwn ar gyfer y plant a’r bobl ifanc yn eich lleoliad, darllenwch yr adran ar Ddiogelwch a Chefnogaeth.
Lawrlwythwch y gweithgarwch DIY hwn yma:
