Darllenwch yr astudiaeth achos Canfod Cydbwysedd. 

• Ystyriwch gael gwared â’r byrddau a’r cadeiriau a chreu sefyllfa sy’n ymwneud â symudiadau corfforol a chydbwysedd. 

• I efelychu’r amgylchedd a ddisgrifiwyd yn yr astudiaeth achos Canfod Cydbwysedd, dylai’r sefyllfa gynnwys cysylltiad rhwng cyrff nad yw’n ymwneud â chyffyrddiad corfforol uniongyrchol.

• Y Bwrdd Padlo Sefyll i Fyny oedd yr adnodd cyfryngu yn y gweithgaredd hwn. Gallai matres, trampolîn neu fat cwympo weithio. 

• Yr ysgogiad i ffurfio cysylltiad yn yr enghraifft o’r Parc Dŵr oedd yr ofn y bydden nhw’n syrthio i’r dŵr, ac roedd gwir berygl y gallai hynny ddigwydd. 

• Mae’n anodd efelychu perygl corfforol go iawn; mae’n fwy effeithiol os yw’r sefyllfa’n cynnwys elfen o risg resymol nad yw’n wirioneddol beryglus. Gallech ofyn am gymorth cydweithwyr yn yr adran Addysg Gorfforol i ddylunio’r gweithgaredd hwn. 

• Efallai gallech efelychu profiad y parc dŵr trwy ofyn i grŵp gario rhywbeth bach a bregus (gweler Ffeltio ein Teimladau am syniadau) neu eitem drwm ar draws llwybr. Neu gallech ofyn i’r grŵp ddefnyddio dull cyfathrebu heblaw am siarad.  

• Yn ddelfrydol, fodd bynnag, os oes adnoddau ar gael, mae mynd â bobl ifanc allan i’r amgylchedd, gan hybu symud, gweithgaredd a chydweithredu, yn ffordd wych o gynllunio sesiwn ar gyrff, perthnasoedd neu un o feysydd penodol Addysg Perthnasoedd a Rhywioldeb.