1: Edrychwch drwy ‘syniadau ar gyfer newid’ AGENDA a nodwch yr holl bethau sydd o ddiddordeb i chi.

2: Dilynwch y dolenni neu defnyddiwch y cyfleuster chwilio i ddysgu mwy am fater penodol (e.e. amrywiaeth rhywedd, rhywiaeth yn y diwydiant cerddoriaeth, casineb at wragedd du)

3: Dewiswch fater y byddech chi’n hoffi cynyddu ymwybyddiaeth ohono. Gwnewch ragor o ymchwil fel bod gennych chi ddigon o wybodaeth i greu 10 brawddeg fer sy’n dechrau gyda “Doeddwn i ddim yn gwybod bod...”

4: Dewiswch bwnc rydych chi’n gwybod llawer amdano. Lluniwch 10 brawddeg fer am y pwnc hwn, yn dechrau gyda “Rwy’n gwybod bod ...”

5: Nawr rydych chi’n barod i greu eich stori cardiau fflach “ddim/yn gwybod”. Gan ddefnyddio’r marcwyr lliw, ysgrifennwch un dudalen ‘yn gwybod ac un dudalen ‘ddim yn gwybod’. Daliwch ati nes bod gennych chi 10 tudalen ddwbl.

ENGHRAIFFT: “Rydw i’n gwybod bod hiliaeth a rhywiaeth yn gorgyffwrdd, OND, doeddwn i ddim yn gwybod bod rhai pobl yn galw hyn yn gasineb at wragedd du”

6: Defnyddiwch ddarluniadau ar bob tudalen, er enghraifft ffotograffau, lluniadau, emojis.

7: Dewiswch rywle tawel a phreifat i ffilmio eich stori cardiau fflach. Ceisiwch osgoi defnyddio unrhyw nodweddion y gellir eu hadnabod (e.e. wynebau).

8: Cadwch y cyfan yn ddiogel, a’i lanlwytho i gyfrif Vimeo neu YouTube ysgol, grŵp ieuenctid neu oedolyn rydych chi’n gallu ymddiried ynddo.

9: Dyfeisiwch hashnod a thrydar eich stori cardiau fflach ar gyfrif Twitter eich cyngor ysgol neu eich grŵp. Fel arall, gofynnwch i’r Comisiynydd Plant yng Nghymru neu Loegr drydar eich stori ar eich rhan.